Posts

Showing posts from October, 2008

ಎಲೆ

Image
ಹೊಂಬೆಳಕಿನ ಚಾದರದಲಿ ಕಂಗೊಳಿಸುತ ಬಿಸಿಲ ಬೇಗೆಯ ನುಂಗುತ ಆಶ್ರಿತ ಜೀವಕೆ ನೆರಳಿನ ಸಿಂಚನ

ವಸಂತದಲಿ ಚಿಗುರು ಮುಂಗಾರಿನಲಿ ಹಚ್ಚ ಹಸಿರು ಶೀತಲದಲಿ ಇದರ ಕೊನೆಯುಸಿರು

ಭೂತಾಯಿ ಉಟ್ಟ ಹಸಿರಿನ ಸೀರೆಯ ನೂಲು ಒಡಲ ತುಂಬ ನರ ನಾಡಿಗಳ ಕವಲು ರವಿಚಂದ್ರರಿಗೂ ಹರಿತ್ತಿನ ಹೊನಲು

ಉಣಬಡಿಸುತ ಸಸ್ಯಕೆ ಪ್ರಾಣಾನ್ನ ಹಳೆ ಬೇರು ಕೊಂಬೆಗಳಿಗೆ ನವಚೈತನ್ಯ ಮಂಜಿನ ಹನಿಗಳ ಮೈದಾನ

ತೋರಣವಿರಲಿ ಚಪ್ಪರವಿರಲಿ ಮನೆಯಂಗಳಕೆ ಸಿಂಗಾರ ಮನದಂಗಳದಿ ಚಿತ್ತಾರ

ಹೂವ ಅಂದವ ಮೋಹಿಸುವರು ಎಲೆಮರೆಯ ಕಾಯೆನ್ನುವರು ಎಲೆಯ ಸೊಬಗನ್ನೇ ಮರೆ ಮಾಡಿಹರು!