ವರ್ಣಚಿತ್ರ

ಕನಸು
ಹಾಲುಗಲ್ಲದ ಬೊಚ್ಚುಬಾಯಿಯ
ಪುಟ್ಟ ಬೆರಳಲಿ ಚಂದಿರನ ತೋರುವ
ಹಸುಗೂಸು

ವಾಸ್ತವ
ಕಾಲದ ಮೊನಚು ಖಡ್ಗವ ಬೀಸಿ
ಎಳೆಗನಸ ಕೊಲೆಗಯ್ಯುವ
ಅಂತಕ

ನೆನಪು
ಕನಸಿಗೂ ವಾಸ್ತವಕೂ ಕೊಂಡಿ ಹಾಕುವ
ವಾಸ್ತವದ ಆರ್ಭಟಕೆ ಬೆದರಿ ಹಾರುವ
ಹಕ್ಕಿ

ಬದುಕು
ಕನಸೊಳು ವಾಸ್ತವ ವಾಸ್ತವದೊಳು ಕನಸ
ಹುದುಗಿಸಿ ಎಲ್ಲವನು ಚೌಕಟ್ಟಿನೊಳು
ಸಂಭಾಳಿಸಿಟ್ಟುಕೊಳ್ಳುವ ವರ್ಣಚಿತ್ರ

Comments

Popular posts from this blog

ಮಾತು-ಮೌನ-ಮನಸ್ಸು

ನಿರೀಕ್ಷೆ

ಗುಂಗು ಹಿಡಿಸುವ ಮಧುರಾನುಭವ