ಒಡೆದ ಹಾಲು
ಅಸುನೀಗಿವೆ ಸಿಹಿಯ ಕಣಗಳು
ಒಣಗಿ ತೇಲಿದೆ ಕೆನೆಯ ಬನಿ
ಮೈಯ್ಯ ತುಂಬಾ ತರಚು ಗಾಯಗಳು
ಬಿಸಿಯ ನೀಡ ಹೋದದ್ದೇ ಶುರು
ಕೊತಕೊತನೆ ಪಾತ್ರೆಯನೆ ನಡುಗಿಸುವ ಕಂಪನ!
ಒಡೆದ ಹಾಲು ನೊಂದು ರೋದಿಸುತಲಿದೆ
ಇನ್ನಿಲ್ಲವಾದ ಸವಿಯ ನೆನೆದು ದುಃಖತಪ್ತವಾಗಿದೆ
ಉಬ್ಬಿ ಬಂದ ಹರುಷವ
ಎತ್ತೆಸೆದು ಕೆನೆಯ ತೆಕ್ಕೆಯಲಿ ತೊನೆದು
ಮತ್ತೆ ಮಡಿಲ ತುಂಬಿಸಿಕೊಳ್ಳುವ
ಸಂಭ್ರಮಕಿಲ್ಲ ಎಡೆ
ಇನ್ನೆಲ್ಲಿದೆ ಮಮತೆಯ ಕಾವು!
ಬಿಗಿದಪ್ಪಿದ ಪಾತ್ರೆಗಿನ್ನು ಜಿಗುಪ್ಸೆ
ಆವಿಯಾಗುತಲಿದೆ ಹಾಲಿನ ಕೊನೆಯುಸಿರು
ಎದೆಬಡಿತ ನಿಂತು ಹುಳಿಯ ಕಳೆಯೊಂದು
ಚಿಗುರೊಡೆದು ನಂಜಾಗಿಸಿದೆ ಮೈಯನು
ಒಣಗಿ ತೇಲಿದೆ ಕೆನೆಯ ಬನಿ
ಮೈಯ್ಯ ತುಂಬಾ ತರಚು ಗಾಯಗಳು
ಬಿಸಿಯ ನೀಡ ಹೋದದ್ದೇ ಶುರು
ಕೊತಕೊತನೆ ಪಾತ್ರೆಯನೆ ನಡುಗಿಸುವ ಕಂಪನ!
ಒಡೆದ ಹಾಲು ನೊಂದು ರೋದಿಸುತಲಿದೆ
ಇನ್ನಿಲ್ಲವಾದ ಸವಿಯ ನೆನೆದು ದುಃಖತಪ್ತವಾಗಿದೆ
ಉಬ್ಬಿ ಬಂದ ಹರುಷವ
ಎತ್ತೆಸೆದು ಕೆನೆಯ ತೆಕ್ಕೆಯಲಿ ತೊನೆದು
ಮತ್ತೆ ಮಡಿಲ ತುಂಬಿಸಿಕೊಳ್ಳುವ
ಸಂಭ್ರಮಕಿಲ್ಲ ಎಡೆ
ಇನ್ನೆಲ್ಲಿದೆ ಮಮತೆಯ ಕಾವು!
ಬಿಗಿದಪ್ಪಿದ ಪಾತ್ರೆಗಿನ್ನು ಜಿಗುಪ್ಸೆ
ಆವಿಯಾಗುತಲಿದೆ ಹಾಲಿನ ಕೊನೆಯುಸಿರು
ಎದೆಬಡಿತ ನಿಂತು ಹುಳಿಯ ಕಳೆಯೊಂದು
ಚಿಗುರೊಡೆದು ನಂಜಾಗಿಸಿದೆ ಮೈಯನು
ಇದನ್ನು ಕೆಂಡಸಂಪಿಗೆಯಲ್ಲಿ ಓದಲು...
Comments