ಕುಸುಮ ಲಹರಿ

ತುಂಬು ಕಂಗಳ ಬೆಡಗಿ,
ಎದೆಯಲೆದ್ದ ಅಲೆಯೊಂದು ಮಿಡುಕಾಡಿ
ನಿನ್ನ ದನಿಗಾಗಿ ತಳಮಳಿಸಿ
ಕೂಡುವ ದಾರಿಯನರಸಿದೆ

ಈ ಸುಮದ ದಳಗಳಲಿ
ನಿನ್ನ ಕೆನ್ನೆಯ ರಂಗುಂಟು
ನಿನ್ನ ಬೆರಳುಗಳ ಸ್ಪರ್ಶವೂ
ಮನದ ಸೊಬಗು, ನಗುವಿನ ಬೆಡಗೂ!

ಕೈಗಿತ್ತು ಸುಮ್ಮನಾಗಲಾರೆ
ಬಿರಿದ ಹೂವ ಘಮಲು ನಿನ್ನಾವರಿಸಿ
ಮಂದಹಾಸದ ಹೊನಲು ಹಬ್ಬುವ ತನಕ
ನಿನ್ನಲೇ ನೋಟ ನೆಡುವೆ

Comments

Post a Comment

Popular posts from this blog

ಮಾತು-ಮೌನ-ಮನಸ್ಸು

ಮಾತು ಮಾತುಗಳ ನಡುವೆ ಅದೆಲ್ಲಿಂದ ಬಂದು ಕೂರುವುದೊ ಕ್ರೂರ ಮೌನದ ಪದರ!? ಯಾವ ಮುಲಾಜೂ ಇಲ್ಲ ಯಾವ ದನಿಯೂ ಬೇಕಿಲ್ಲ ಅದಕೆ! ನಲ್ಮೆಯ ಮಾತು, ಕೋಪದ ಮಾತು ಸವಿ ನುಡಿ ಕಹಿ ನುಡಿ ಹೇಳಲೇ ಬೇಕೆಂದಿದ್ದ ಬಾಯಿ, ಆಲಿಸಲೆಂದೇ ಕಾದಿದ್ದ ಕಿವಿಗಳು ಎಲ್ಲವನೂ ಹೆಡೆಮುರಿಕಟ್ಟಿ ಹೊಸಕಿ ನಿಲ್ಲುತ್ತದೆ! ಮೌನಕೂ ಇರಬೇಕಿತ್ತು ಅಂತಃಕರಣ! ಕಾರಿರುಳ ಕತ್ತಲೆಯ ಬೆಂಬಲಕೆ ನಿಂತ ದುರುಳ ಗಾಳಿ ಹಚ್ಚಲು ಹೊರಟ ಹಣತೆಯ ಬಲಿತೆಗೆದುಕೊಳ್ಳುವುದು ಇಲ್ಲೂ, ಚೀತ್ಕಾರವೆಲ್ಲ ಆಕಾಶದೊಳು ಲೀನವಾಗುತಿರಲು ದೈನ್ಯದಲೆ ಬೇಡಲು ಹೊರಟ ಮಾತಿನ ಪ್ರಾಣಪಕ್ಷಿ ಹಾರಿಸಲು ಮೌನಕೆ ಬಿಗುಮಾನ ಜೊತೆಯಾಗಿದೆ ಆಕಾಶದ ವಿಸ್ತಾರಕೆ ಮೋಡಗಳು ಹೆದರುವುದುಂಟೆ! ಎಲ್ಲೆಲ್ಲಿಂದಲೋ ಒಟ್ಟುಗೂಡಿ ತಮ್ಮ ಪಾಡಿಗೆ ತಾವು ಹೆಪ್ಪುಗಟ್ಟಿ ಭಾರ ತಾಳಲಾರದೇ ಮಳೆಯಾಗಿ ಇಳೆಯ ಮಡಿಲು ಸೇರುವುವುವಲ್ಲವೆ! ಮೌನಕೂ ಮಾತಿಗೂ ಮನಸ್ಸಿನದೇ ಹಂಗು ನಿಜ ನಾಟಕದ ಮಧ್ಯದಲಿ ಸೂತ್ರಧಾರನ ಕಪಟ ನಾಟಕ ಮುಂದಡಿಯಿಡುವುದೇ ಮನಸ್ಸು ಮಾತುಗಳನು ಪ್ರಚಂಡ ಪ್ರವಾಹವಾಗಿಸಲು! ಮೌನದ ಅಣೆಕಟ್ಟನು ಸಿಡಿಸಿ ಚೂರಾಗಿಸಲು!?
Read more

ಗುಂಗು ಹಿಡಿಸುವ ಮಧುರಾನುಭವ

ಇತ್ತೀಚೆಗೆ ಬಿಡುಗಡೆಯಾದ ಸೋನು ನಿಗಮ್ ಹಾಡಿರುವ ಕನ್ನಡದ ಪ್ರಪ್ರಥಮ ಗೀತಗುಚ್ಛ (Music album) "ನೀನೇ ಬರೀ ನೀನೇ" - ಇದರಲ್ಲಿನ ಎಲ್ಲ ಹಾಡುಗಳೂ ಜಯಂತ್ ಕಾಯ್ಕಿಣಿಯವರ ಕಾವ್ಯಕುಂಚದಲ್ಲಿ ಮೂಡಿಬಂದಿರುವ ವರ್ಣಚಿತ್ರಗಳಂತಿವೆ. ಈ ಹಾಡುಗಳ ಸಾಲುಗಳು ಹಿಡಿಸುವ ಗುಂಗು ಮಧುರಾನುಭವಕ್ಕೆ ತಿರುಗುವುದು ಮನೋಮೂರ್ತಿಯವರ ಸಂಗೀತದಿಂದ. ಮೇಲುನೋಟಕ್ಕೆ ಪ್ರೇಮಗೀತೆಗಳೆನಿಸುವ ಈ ಹಾಡುಗಳು, ಕೇಳುತ್ತಾಹೋದಂತೆ ಘಜ಼ಲ್ ಗಳಲ್ಲಿರುವ ಭಾವತೀವ್ರತೆ, ಸುಗಮ ಸಂಗೀತದಲ್ಲಿ ಸಿಗುವ ಸರಳತೆ, ಕವಿತೆಗಳಲ್ಲಿನ ಮುಗ್ಧತೆ ಈ ಎಲ್ಲವನ್ನು ಒಟ್ಟಿಗೇ ನೀಡುತ್ತವೆ. ಎಲ್ಲ ಹಾಡುಗಳಿಗೂ ಸೋನು ನಿಗಮ್ ಏಕಮೇವ ಗಾಯಕ. ತನ್ನ ಪ್ರೇಯಸಿಯ ನೆನಪಿನಲ್ಲಿ ಹಾಡುವ, ಅಲೆದಾಡುವ ಯುವಕನೊಬ್ಬನ ಆರ್ತದನಿ ಈ ಗೀತೆಗಳಲ್ಲಿ ಕೇಳಿಬರುತ್ತದೆ. ಈ ಹಾಡುಗಳಿಗೆ ಯಾವುದೇ ನಾಯಕ ನಟ/ನಟಿಯ ಹಂಗಿಲ್ಲ, ಚಿತ್ರಕಥೆಯ ಕಟ್ಟುಪಾಡಿಲ್ಲ. ಹಾಡುಗಳಲ್ಲಿ ಬರುವ ಪ್ರೇಮಿಗಳು ಕಲ್ಪನೆಯಲ್ಲೆ ಕೇಳುಗರನ್ನು ಕಾಡುತ್ತಾರೆ. ಸರಳ ಸುಂದರ ಮನೋಲಹರಿಯೇ ಮಂಜುಳ ಗಾನವಾಗಿ ಹೊರಹೊಮ್ಮಿದಂತಿದೆ. ಕಾಯ್ಕಿಣಿಯವರ ಈ ಹಿಂದಿನ ಚಿತ್ರಗೀತೆಗಳಿಗೆ ಹೋಲಿಸಿದರೆ ಇವು ಸಿನೆಮಾ ಪರಿಭಾಷೆಯ ಚೌಕಟ್ಟಿನಿಂದ ಹೊರಸರಿದು ಕವಿತೆಗಳ ಛಾಯೆಯನ್ನು ಇನ್ನಷ್ಟು ಢಾಳಾಗಿ ಪಡೆದಿವೆಯೆನಿಸುತ್ತದೆ. ಪ್ರೀತಿ-ಪ್ರೇಮದ ವಿಷಯವಸ್ತುಗಳುಳ್ಳ ಕವಿತೆಗಳಲ್ಲಿ ಸಾಮನ್ಯವಾಗಿ ಕಾಣಸಿಗುವ ಸಿದ್ಧ ಪ್ರತಿಮೆಗಳನ್ನು ಮೀರಿ ಬಲು ವಿಭಿನ್ನವಾದ ಚಿತ್ರಣಗಳನ್ನು ತುಂಬಿ
Read more

ನಿರೀಕ್ಷೆ

ಮೂಡಬೇಕಿದೆ ಒಡಮೂಡಬೇಕಿದೆಯಿನ್ನು ನನ್ನ ನಿನ್ನ ಸಹಯಾನದ ಹಾಡಿನಲಿ ಎದೆಯ ತುಂಬಿಸುವ ನವಪಲ್ಲವ ಬೇಗೆ ತಣಿಸುವ ಮಾರ್ದವ ಹಾಯಬೇಕಿದೆ ಒಳಹಾಯಬೇಕಿದೆಯಿನ್ನು ನನ್ನ ನಿನ್ನ ಅಂತರಂಗದಂಗಳದಲಿ ಹೊನ್ನ ಲೇಪದ ನಲ್ಬೆಳಕು ದುಗುಡ ಕರಗಿಸುವ ತಿಳಿಬೆಳಕು ಬರಬೇಕಿದೆ ತೇಲಿಬರಬೇಕಿದೆಯಿನ್ನು ನನ್ನ ನಿನ್ನ ಕಣ್ಣ ಕೊಳದಲಿ ಮುದ್ದು ಬಳುಕಿನ ಹಣತೆ ಸಾಲು ಎಲ್ಲ ಕನಸುಗಳ ಹೊಳಹಿನ ಪಾಲು
Read more