ನಿಶ್ಚಿತಾರ್ಥ


ಯಾವ ದೇವತೆಯ ಸಾಕ್ಷಿಯನ್ನೂ ಬೇಡದೇ
ಇನ್ನಾವ ನಕ್ಷತ್ರದ ಕೃಪೆ ಯಾಚಿಸದೇ
ನನ್ನೊಳು ನೀನು
ನಿನ್ನೊಳು ನಾನು
ಕಂಡುಕೊಂಡ ಸಖರು ಅಭಿಸಾರಗೊಂಡರು
ಗೃಹಸ್ಥದ ಹೊಸ್ತಿಲೆಡೆದೆ ಹೆಜ್ಜೆಯಿಟ್ಟರು
ಭಾವಿ ಪತಿ ಪತ್ನಿಯರೆಂದು
ಬೆರಳುಗಳಲಿ ಬೆರಳುಗಳ ಹೆಣೆದರು

ತಾರುಣ್ಯದ ಬಳ್ಳಿಯಲೊಂದು
ಆತ್ಮಸಖ್ಯದ ಎಳೆಮೊಗ್ಗು
ಬಾಳಕಡಲಲ್ಲಿ ಪುಟ್ಟ ನಾವೆಯ
ಜೋಡಿಹುಟ್ಟು
ಕಣ್ಣುಗಳ ಬೋಗುಣಿಗಳಲ್ಲಿ ಸ್ವಪ್ನಸಲಿಲ
ನಿಶ್ಚಿತ ದಿನ ಜಾಗ
ಅರ್ಥಗಳ ಹುಡುಕಾಟಕ್ಕೆ
ಜೀವಗಳು ಜೊತೆಯಾಗಲು
ಸಲಹಿದವರ ಗದ್ಗದಿತ ಕೊರಳುಗಳು ಉಲಿದವು
"ನಿಶ್ಚಿತಾರ್ಥ!"

Comments

Popular posts from this blog

ಗೆಳೆಯನ ಬೀಳ್ಕೊಡುಗೆಗೆ ಎರಡು ಕವಿತೆಗಳು

ಮಾತು-ಮೌನ-ಮನಸ್ಸು

ತ್ಯಾಜ್ಯದಿಂದ ವಿದ್ಯುತ್ - ತ್ಯಾಜ್ಯ ನಿರ್ವಹಣೆಯ ಸಮಸ್ಯೆಗೆ ಶಾಶ್ವತ ಪರಿಹಾರ?