ಒಲವಿನ ನದಿಯ ಪಾತ್ರ
ನಿನ್ನ ಒಲವಿನ ನದಿಯ ಪಾತ್ರ
ಸ್ನೇಹಮಯ ಜೀವನ ಸೂತ್ರ
ಪ್ರೇಮಲ ಭಾವದಿ ನೀ ಹಾಡಿರಲು
ಹೊಳೆದಿಹುದು ಮಂಜಿನಲಿ ಬೆಳಕ ಕೋಲು
ತುಂಬು ಮಮತೆಯ ವಾಹಿನಿ
ಸದಾ ನನ್ನ ಧೃತಿ ಸಂಜೀವಿನಿ
ನಿದ್ರಿಸಲು ನಿನ್ನ ಮಡಿಲೊಳು
ನೀನಾಗಿಹೆ ಕನಸಿನ ಯಾಮಿನಿ
ನಮ್ಮ ಬಾಳ ನಾವೆಯಿದೆ
ನಿನ್ನ ನೇಹ ಸರೋವರದಿ
ಹುಟ್ಟಿಹುದು ನಿನ್ನ ಗಾನದಿ
ಇಂಚರದ ರಸಪಾಕ
ನಿನ್ನ ಸ್ವರಗಳು ಹನಿಗೂಡಿ
ಒಡಲಲಿ ಅಲೆಗಳ ಶರಧಿ
ಸಾಗರದ ನಾದದೊಳು
ಮೈಮರೆತಿಹೆ ನಿನ್ನ ಧ್ಯಾನದಿ
Comments